Lubbi finnur málbein
Lubbi finnur málbein er efni um íslensku málhljóðin. Efnið er markvisst notað í málörvun og hljóðanámi allra barna í leikskólanum. Vinna með Lubba eflir hljóðkerfisvitund barna og leggur góðan grunn að lestrarnámi. Auk þess stuðlar efnið að auðugri orðaforða og ýtir undir skýrari framburð.
Íslensku málhljóðin eru sýnd og sungin og hvert barn á sitt lubbatákn sem er fyrsta hljóðið í nafninu þeirra.
Vinnan með Lubba er í stöðugri framþróun hjá okkur og hugmyndaauðgi kennara fær að njóta sín.
Herra Níels
Verkefnið "bangsi heim" er hluti af því að efla læsi og tjáningu barna. Herra Níels kemur heim á virkum degi eftir leikskóla með yngri börnunum í Borg - en um helgar í Koti. Hlutverk foreldra er að skrifa í stílabók, sem fylgir Herra Níels um hvað hann gerði heima með barninu ykkar. Barnið mun svo fá tækifæri til að segja vinum sínum í leikskólanum frá.